VLC media playerలో తెలుగు సబ్ టైటల్స్

మనం online నుండి download చేసిన సినిమాలను చూడటానికి ఎక్కువగా media players వాడుతుంటాము. ఇంగ్లీష్ సిన్మాలను చూసేటప్పుడు సిన్మాలో ఉన్న డైలాగులను కింద ఇంగ్లీష్ భాషలోనే subtitlesగా చూసే వీలు ఉంటుంది. TVలో వచ్చే అన్ని ఇంగ్లీష్ సినిమా చానళ్ళు తమ సినిమాలను ఇలాగే ప్రసారం చేస్తుంటాయి. ఆ subtitlesను మన భారతీయ భాషల్లో చూసే వీలు లేదు. Internetలో హింది భాష subtitles వస్తున్నా తెలుగు, కన్నడ భాషల్లో దాదాపు లేవనే చెప్పాలి. కానీ కొంచెం కష్టపడితే అది సాధ్యమే. నేను ఇంగ్లీషులో ఉన్న subtitlesను భారతీయ భాషల్లో తర్జుమా చేయటానికి Google translate వాడుకుంటున్నాను కాబట్టి తర్జుమా నాణ్యతపై హామీ ఇవ్వలేను. తర్జుమా సరిగ్గా జరగలేదనిపిస్తే మనం స్వంతంగా చేసుకోక తప్పదు. ఈ పని చేయటానికి Baraha 8.0 వాడాను.

మనం ఏదైనా సినిమాను download చేసుకున్నాక దాని subtitles కావాలంటే ఒక .srt file కూడా download చేసుకుంటాము. తర్వాత సినిమాను VLC media playerలో చూసేటప్పుడు subtitles ON చేసుకుంటే మనకు ఇలా కనిపిస్తుంది.

ఇప్పుడు ఆ .srt fileను notepadలో open చేసి దాన్ని .txt fileగా save చేయండి.

ఇక browserలో Google translate open చేయాలి. http://tanslate.google.co.in

అక్కడ translate a document అనే option క్లిక్ చేయాలి.

అక్కడ choose file అనే button నొక్కి మీ file select చేయాలి. translate fromని English అని Toని హిందిగా drop down menu నుండి select చేసుకుని Translate button నొక్కండి.

ఇంగ్లీష్ భాషలో ఉన్న డైలాగులు హింది భాషలో మారుతాయి. ఇప్పుడు మొత్తం text select చేసి Baraha Conversion utilityలో UNICODE fieldలో paste చేయాలి. దాన్ని BRHCODEలోనూ తర్వాత ANSI codeలోనూ మార్చుకోవాలి. ఎందుకంటే VLC media player UNICODEను support చేయదు. ఇప్పుడు ఈ ANSI codeను textpadలో paste చేసి save చేయాలి.

ఇలా save చేసిన fileతో ఒక ఇబ్బంది ఉంది. అదేమిటంటే time duration మధ్యలో ఉన్న --> గుర్తును baraha conversion utility –> మార్చేస్తుంది. దాన్ని మళ్ళీ --> మార్చాలి. దాని కోసం notepadలోని Edit –> Replace utilityని వాడుకోవాలి.

కొత్త fileను .srt fileలాగ save చేసుకోవాలి. “file name.srt” file పేరును .srt extensionతో కలిపి (“”)ల మధ్యలో వ్రాసి save చేయాలి. లేకపోతే అది text fileలాగ save అవుతుంది.

ఇక VLC media playerలో Edit –> Preferences click చేసి, కింద చూపిన విధంగా font select చేసి OK button నొక్కాలి.

ఇప్పుడు movie play చేస్తూ subtitle trackగా మనం ఇంతకు ముందు తయారు చేసుకున్న subtitle file సెలెక్టు చేసుకోవాలి. ఇప్పుడు subtitle హిందిలో కనిపిస్తాయి.

హింది translationను Google translate దాదాపుగా సరిగ్గా చేయగలుగుతుంది. కానీ, తెలుగులో తర్జుమా చేస్తే ఫలితం ఇలా ఉంటుంది.

మనకు ఇది నచ్చకపోతే మనమే స్వంతంగా తర్జుమా చేసుకోవాలి. అప్పుడు మనకు కావలసిన విధంగా subtitles వ్రాసుకోవచ్చు.

 

Technorati Tags: subtitles,Telugu subtitles

VLC player UNICODEను ఎలా support చేస్తుందో, దాన్ని మనం ఎలా చేయాలో తెలిసినవారు చెప్పగలరు. అలాగే పై విధానం కన్నా మంచి విధానం తెలిస్తే దాన్ని పంచుకోగలరు. మీ అభిప్రాయలను తెలపండి. Google, Baraha softwareకు ధన్యవాదాలు.

శ్రీ కుక్కె సుబ్రహ్మణ్య యాత్ర

కుక్కె సుబ్రహ్మణ్య క్షేత్రం కర్ణాటకలో చాలా ప్రసిద్ధి. ఇక్కడకు దేశం నలు మూలలనుండి భక్తులు వస్తుంటారు. ఇక్కడ సర్పదోష నివారణ పూజలు జరుగుతాయి. పిల్లలు లేని వారు ఇక్కడకు వచ్చి పూజలు జరిపిస్తుంటారు. మేము ఆంగ్ల నూతన సంవత్సరాన్ని ఇక్కడ జరుపుకున్నాము.

కుక్కె సుబ్రహ్మణ్య క్షేత్రం బెంగళూరు నుండి దాదాపు 300 కి.మి. దూరంలో పశ్చిమ కనుమల్లో ఉంది. ఇది దక్షిణ కన్నడ జిల్లాలో ఉంది. దట్టమైన అడువుల మధ్యలో ఉన్న ఈ చిన్న క్షేత్రానికి బస్సు మరియు రైలు ద్వారా చేరుకోవచ్చు. చాలా మంది బస్సు లేదా సొంత వాహనాల్లో ఇక్కడకు వస్తుంటారు. మొదట ధర్మస్థల వెళ్ళి అక్కడ నుండి కుక్కె వచ్చి త్వరగా బెంగళూరు చేరుతుంటారు. కానీ చాలా మందికి తెలియనిదేమిటంటే కుక్కెకు వచ్చే రైలు మార్గం కనులపండుగగా ఉంటుందని. వీలైతే రైలు ప్రయాణాన్ని వదులుకోవద్దు.

మేము యశవంతపుర నుండి సోమవారం ఉదయం 7:30 బయలుదేరే రైలుకు బయలుదేరాము. వారానికి కేవలం 3 సార్లు మాత్రమే ఈ రైలు ఉంది. మధ్యాహ్నానికి రైలు తుమకూరు మీదుగా హాసన చేరుకుంది. రైలులోనే మధ్యాహ్న భోజనం ముగించాము. ఎందుకంటే ఆ తర్వాత వచ్చే సకలేశపుర దాటాక ఇంకేం దొరకవు. సకలేశపుర దాటాక జనాలు బోగి వాకిళ్ళ దగ్గర కూర్చోవటం మొదలు పెట్టారు. ఎందుకంటే రైలు ఇక అక్కడి నుండి పశ్చిమ కనుమల్లో ప్రవేశిస్తుంది.

సకలేశపుర తర్వాత వచ్చే దోణిగాల్ స్టేషన్ నుండి యడకుమారి స్టేషన్ వరకు దారి అద్భుతంగా ఉంటుంది. రైలుకు మూడు ఇంజన్లు తగిలిస్త్రారు. రైలు నెమ్మదిగా కనుమల పైభాగానికి చేరుకుంటుంది. ఆ దారిలో వందకు పైగా వంతెనలు, యాభైకు పైగా tunnels ఉన్నాయి. రైలు పర్వత శిఖరాలను చుట్టబెడుతూ వెళ్తుంటే చూడటానికి చాలా బాగుంటుంది. పక్కనే శిఖరాలనుండి జాలువారే పల్చటి జలపాతాలు, లోయల్లో ఉన్న మడుగులు, సెలయేళ్ళు, వందల అడుగుల ఎత్తున్న చెట్లు, వీటన్నిటినీ దాటి మేఘాలను చుంబించే శిఖరాలు చూసి ఆనందించాలి. చాలా మంది దోణిగాల్ నుండి యడకుమారి దాకా రైలు పట్టాల వెంబడి నడుస్తూ (trekking) వెళ్తుంటారని జనాలు చెప్పారు. వర్షాకాలంలో చాలా బాగుంటుందని చెప్పారు. కొన్ని ఫోటోలు మొబైలులో తీసాను. చూడండి.  

ఇదే యడకుమారి స్టేషన్.

రైలు యడకుమారి దాటాక కనుమలు దిగటం ప్రారంభిస్తుంది. ఇక కుక్కె చేరాక బయట ఆటోల,  జీపుల వాళ్ళు వెంటపడతారు. ఇక్కడ చాలా దుబారి. కాస్త నడిస్తే ధర్మస్థల రోడ్డు చేరుకోవచ్చు. అక్కడి నుండి కుక్కెకు బస్సులు దొరుకుతాయి. మేము కుక్కె చేరుకునేసరికి సాయంత్రం 6:00 అయింది. మధ్యలో కుమారధార నది స్నాన ఘట్టం, పెద్ద వినాయకుని గుడి దర్శించుకున్నాము. మొదటిసారి ఇక్కడకు వస్తుండటం వల్ల బెంగళూరు నుండే హొటల్ బుక్ చేసుకున్నాము. కానీ ఇక్కడ దేవస్థానం వారి సత్రాలు బాగున్నాయి. పెద్దగా రద్ది కూడా లేదు. మరుసటి రోజు పూజ మరియు హోమానికి టికెట్లు కొని, భోజనం చేసుకుని పడుకున్నాము. ఇక్కడ కొంచెం పెద్ద హోటల్లు కేవలం రెండే ఉన్నా భోజనాలు బాగానే ఉన్నాయి. ధరలు కూడా అందుబాట్లో ఉన్నాయి.

ఇక్కడి ఆలయాల్లో మగవారిని పై దుస్తులతో వెళ్ళనీయరు. షర్ట్లు, బనియన్లు కూడా తొలగించాలి. కావాలంటే ఒక పైగుడ్డ వేసుకోవచ్చు. అందువల్ల ఒక తెల్ల పంచె, పై గుడ్డలతో మరుసటి రోజు దేవాలయానికి బయలుదేరాము. ఆశ్లేష బలి పూజ హోమము ఆ తర్వాత అభిషేక పూజలతో మధ్యాహ్నం అయింది. భక్తులతో ఉదయం చాలా రద్దీగా ఉంది. పూజల తర్వాత ఆ ఆలయ ప్రాంగణంలోనే ఉన్న నరసింహ స్వామిని, నాగ ప్రతిష్ట మండపాన్ని, ఇన్నితర చిన్న చిన్న ఆలయాలను చూసుకుని అక్కడి నుండి ఆది సుబ్రహ్మణ్య స్వామి ఆలయానికి వెళ్ళి స్వామిని దర్శించుకున్నాము.

 

దేవాలయ వీధి. ఈ వీధి కాక బస్టాండు వీధి. ఉరంతా కలిపితే ఉన్నవి ఈ రెండు వీధులే.

దర్శనాలు అయ్యాక మధ్యాహ్నానికి దేవాలయంలోనే భోజన వసతి ఉంది. భోజనం బాగుంది. భోజనం తర్వాత మధ్యాహ్నానికి విశ్రాంతి తీసుకున్నాము.

సాయంత్రానికి మళ్ళీ దైవ దర్శానానికి వెళ్ళాము. సాయంత్రం ఏ మాత్రం రద్ది లేదు. తీరుబడిగా దర్శనం ముగించి ఇక ఫోటోలు తీసే పనిలో పడ్డాను. చూడండి.

స్వామివారి తేరులు. అ వెనుక ఉన్నది భోజనశాల మరియు సత్రాలు.

గుడి నుండి దగ్గరలో ఉన్న సెలయేటి స్నాన ఘట్టం. ఇక్కడ మఠంలో నివసించేవారు, భక్తులు (పొర్లు దండాలు మొక్కున్నవరు) కూడా స్నానం చేయవచ్చు.

నది వెనుకున్న సెలయేరు.

మఠం

ఆదిసుబ్రహ్మణ్యస్వామి గుడి.

దారిలో ఉన్న ఒక ఇల్లు.

సంధ్య సమయం. ఇది 2013 సంవత్సరపు చివరి సాయంత్రం.

ఇక రాత్రి 10:30కు వోల్వో బస్సు వసతి ఉండటంతో దానికి బయలుదేరి మరుసటి రోజు ఉదయం 4:30 బెంగళూరు చేరుకున్నాము.

Technorati Tags: kukke,subramanya,bangalore

లాల్ బాగ్ పుష్ప ప్రదర్శన

బెంగళూరులోని లాల్ బాగ్ ప్రతి సంవత్సరం స్వాతంత్ర్యదినం మరియు రిపబ్లిక్ దినాలలో ఫల పుష్ప ప్రదర్శన ఏర్పాటు చేస్తుంది. ఈ సంవత్సరం కూడా రిపబ్లిక్ దినోత్సవాన్ని పురస్కరించుకుని ప్రదర్శన ఏర్పాటయ్యింది. పూలను వివిధ పళ్ళు కూరగాయలలాగ అలంకరించారు. మీకోసం కొన్ని ఫోటోలు ఇక్కడ.

పుష్ప ప్రదర్శన ఏర్పాటయిన గ్లాస్ హౌస్

 

Technorati Tags: Flower show,bangalore,lalbaugh

View Full Album

ఇంకొన్ని ఫోటోలు పై ఆల్బంలో చూడొచ్చు.

కొలవేరి పాట ఎక్కడో విన్నట్టుందే??

భారతదేశం మొత్తాన్నీ ఉర్రూతలూగిస్తున్న కొలవేరి పాటను మొన్న విన్నాను. వింటుంటే మధ్యలో (1:40 తర్వాత) ఈ కింది పాట గుర్తుకొచ్చింది. ఇది కాకతాళీయమా కాదా అన్నది మీరే చెప్పాలి.

ముత్యాల మడుగు

బెంగళూరుకు చుట్టు పక్కల దగ్గరలో ఏదైనా విహార ప్రాంతం ఉందా అని అంతర్జాలంలో వెతికితే అనేకల్ తాలూకాలోని ముత్యాల మడుగు జలపాతం గురించిన సమాచారం కనిపించింది. జలపాతం గురించి బాగా ఊరిస్తూ చెప్పారు. సరే, అలా ఆటవిడుపుగా ఉంటుందని అక్కడికే వెళ్ళాలని నిర్ణయించుకున్నాం. ఇక Google mapsలో muthyala maduvu, anekal అని వెతికేసి, ఎలా వెళ్ళాలో దారి తెలుసుకొని ఓ రోజు ఉదయాన్నే బయలుదేరాము. Electronic city నుండి 22 కి.మి దూరం ఉంటుందని తెలిసింది.

హొసూరు రోడ్డు మీదుగా బయలుదేరాము. వెళ్ళేదారి కొద్దిగా ఇబ్బంది పెట్టినా వేగంగా ప్రయాణించేందుకు వీలుగా ఉంది. తొందరగానే ఆనేకల్ ఊరిని చేరుకున్నాము. అక్కడ కొద్దిగా గందరగోళ పడ్డా దారి అడిగి తెలుసుకుని ముందుకు సాగాము. సిటీ వాతావరణానికి దూరంగా, పచ్చగా, అహ్లాదకరంగా ఉన్న కొండలు కనిపించసాగాయి. వాటి వైపు చిన్న చిన్న పల్లెలను దాటుకుంటూ సాగాము. బెంగళూరు నుండి దాదాపు అరగంట ప్రయాణం తర్వాత ముత్యాల మడుగు చేరుకున్నాము. అక్కడ ఉన్న హోటలు, అంగళ్ళు అన్నీ మూసి ఉన్నాయి. దగ్గరలో ఎక్కడా జలపాతం జాడ కనిపించ లేదు. కొద్దిసేపు అక్కడే వేచి చూసి, అటుగా వచ్చిన గొర్రెల కాపరిని వివరాలడిగితే, శని, ఆదివారాలు మాత్రమే అక్కడ జనసంచారముంటుందని, మామూలు రోజుల్లో ఎవరూ ఉండరని, జలపాతానికి దారి చూపించాడు. మేమున్న చోటినుండి కింద లోయలోకి దిగాలట. కిందకు దిగటానికి మెట్లు ఉన్నాయి.

మెట్లు దిగుతుండగానే, చిన్నగా నీళ్ళు పారుతున్న చప్పుడు వినిపించసాగింది. చుట్టూ ఉన్న ప్రకృతిని చూస్తూ కిందకు దిగసాగాము.

  

చివరకు జలపాతాన్ని చేరుకున్నాము. ఇది పెద్ద జలపాతమేమీ కాదు. కానీ, పైనుండి పడుతున్న నీటి తుంపరలు ముత్యాల్లా కనిపిస్తాయి. కాబట్టే దీనికి ముత్యాల మడుగు అని పేరొచ్చిందట.

జలపాతానికి దగ్గరలోనే ఈశ్వరుని గుడి ఉంది. కాని గుడి మూసి ఉంది. అదీకాక వర్షాల వల్ల బండలన్నీ జారుడుగా ఉన్నాయి. అందువల్ల నీళ్ళను దాటుకుని వెళ్ళటం కుదరదని మా ఆవిడ ఆర్డసింది. ఏం చేస్తాం ఇంతే ప్రాప్తమనుకుని ఈ ఫోటో మాత్రం తీసి ఇంటికి బయలుదేరాము.

వర్షాలు బాగా పడటం వల్ల జలపాతంలో వర్షపు నీరు ప్రవహిస్తోంది. బహుశా వేసవిలో ఓ ఆదివారం వెళ్ళి రావటానికి ఈ ప్రదేశం బాగుంటుందనుకుంటాను. మరోసారి వెళ్ళినప్పుడు చూడాలి.

 

 

 

 

కామన్’వెల్త్’ ఆటలు

ఈ ఆటల ఉద్దేశం ఏమైనా మన ప్రభుత్వం చేతకానితనాన్ని మాత్రం చాలా బాగా కళ్ళకు కట్టినట్లు చూడగలిగాము. సంవత్సరాల ముందే ఆటలు నిర్వహించాలని తెలిసినా, సరైన ప్రణాళిక లేకుండా చేసిన, చేస్తున్న పనుల నిర్వాకం వెగటు కలిగిస్తుంది. ఓ వైపు రాజకీయుల అవినీతి కంపు కొడుతుంటే మరోవైపు క్రీడాకారుల డోపింగ్ వ్యవహారం రోత కలిగిస్తోంది. రోజుకో క్రీడాంశంలో ఆటగాళ్ళు డోపింగ్ వల్ల నిషేధించబడుతున్నారు. ఆటలు ప్రారంభం కావటానికి కనీసం నెలైనా లేదు. ఇప్పటికీ మైదానాలు సిద్ధం కాలేదు. సిద్ధమైనవి నాసిరకపు నాణ్యతతో కట్టబడినవంటున్నారు. ఇంతటికీ కారణమైన వారిపై చర్యలు తీసుకోవటానికి సమయం సరిపోదని, అందువల్ల పెద్ద మనసు చేసుకుని ఎలాగోలా సర్దుకుపొమ్మని, ఆటలైపోయిన తర్వాత తగిన చర్యలుంటాయని మన ప్రభుత్వపు మాట. అంతా అయిపోయిన తర్వాత చేసేదేమిటో నాకర్థం కాలేదు. ప్రజా ధనాన్ని అడ్డంగా దోచుకున్న వారిని వెంటనే బంధించి, తగిన శిక్ష వేయకుండా,  వారి చేతుల్లోనే మనదేశ గౌరవముందని, ఎలాగూ ఇప్పటివరకు ఇంత మోసపోయారు, ఇంకొంతకాలం వీరిని భరించి మరికొంత మోసపొమ్మని దేశ ప్రజలకు చెప్పగల అధినేతలు ఉండటం మన దురదృష్టం. ఇంత జరిగాక కాపాడుకోవాటానికి ఇంకా ప్రపంచం దృష్టిలో గౌరవం మిగిలి ఉందనుకోను. మణిశంకర్ అయ్యర్ చెప్పినట్లు ఆటలు విఫలమై ప్రపంచం ముందు తల దించుకోవలసిన సమయం వస్తుందేమోనని భయం వేస్తుంది. అవినీతికి కూడా ఓ హద్దు ఉండాలి. లేకపోతే సమాజం చెదలు పట్టిన మహా వృక్షంలా కుప్పకూలుతుంది. అంతా చేసుకున్న ఖర్మ.

క్విబెక్ జాతీయ దిన సంబరాలు -2

పరెడ్లో భాగంగా వచ్చిన గుర్రబ్బండి. ఈ గుర్రాలు చలి ప్రాంతాలలో ప్రయాణానికి అనువుగా ఉంటాయి.

మాంట్రియాల్ కెనిడియన్స్ అనేది మా ఊరి ఐస్ హాకీ టీము. వారి ప్రదర్శన ఇది.

పరేడ్లో వచ్చిన వింటేజ్ కార్లు.

ఇలాంటి సైకిలు గురించి పుస్తకాల్లో చదివానేగానీ నిజంగా చూడటం మాత్రం ఇప్పుడే.

ISKCON వాళ్ళు కూడా పరేడ్లో పాల్గొన్నారండోయ్!!

పరేడ్ చివరగా ఒక పెద్ద పార్కు చేరుకున్నది. ఇక్కడ ఇక పాటల కచేరికి ఏర్పాట్లు సిద్ధం చేసుకుంటున్నారు. ఇక అర్థరాత్రి వరకు పాటలు పాడి జనాన్ని అలరిస్తారు. మేము మాత్రం అక్కడే ఉన్న స్టాల్లను తిరిగి చూసి, కాసేపు కార్యక్రమాలు చూసి చీకటి పడుతుండగా ఇంటికి తిరిగి వచ్చాము.

మాకు మాత్రం మరో శెలవు రోజు సరదాగా గడిచిపోయింది.